संचारकर्मीहरुसँग अन्तरक्रिया गोष्ठी सम्पन्न

मेचीकाली संवाददाता

२६ माघ २०७९, बिहीबार
227 shares

सुनिल आचार्य

कपिलवस्तु । कृषि ज्ञान केन्द्र कपिलवस्तुले जिल्लाका संचारकर्मीहरु संग अन्तरक्रिया कार्यक्रम सम्पन्न गरेको छ । कृषि ज्ञान केन्द्रले गत आर्थिक बर्षमा सम्पन्न गरेका कार्यक्रम र आगामी कार्यक्रमको बिषयमा समिक्षा समेत गरिएको हो ।

गोष्ठीमा कार्यालयका प्रमुख डा. रविन्द्रनाथ चौवेले चालु आर्थिक वर्षको कार्यक्रमहरुको प्रस्तुती गर्दै स्वीकृत बजेट तथा कार्यक्रमबारे जानकारी दिंदै कुल ६ करोड १८ लाख २८ हजारको कार्यक्रम रहेको प्रस्तुत गरेका थिए । कपिलवस्तुको कुल ८३ हजार हेक्टर क्षेत्रफल कृषियोग्य जमिन रहेकोमा कुल क्षेत्रफलको २० प्रतिशतमा मात्र बाह्रमासे सिंचाई सुविधा उपलब्ध रहेको प्रमुख चौवेले जानकारी दिए । चालु आर्थिक बर्षमा स्मार्ट कृषि गाउँ कार्यक्रम , कृषि तथा पशुपंक्षि श्रोत तथा प्रविधि सेवाटेवा बिस्तार , कृषि तथा पशुपंछी उद्योग, यन्त्र पूर्वाधार बिकास लगाएतका कार्यक्रमहरु संचालन गरिएको प्रमुख चौवेले जानकारी दिए ।

यस्तै चालु आर्थिक वर्षका कार्यक्रमहरुको सूचना प्रकाशन, छनौट एवं सम्झौता विवरण , जिल्लामा खाद्यान्न उपलब्धताको अवस्था , महिला लक्षित किट , एग्रोभेट अनुगमन लगाएतको बिषयमा जानकारी दिए ।

जिल्ला समन्वय समितीका प्रमुख बाबुराम आचार्यले लक्षित समुदायलाई सक्षम बनाउनुपर्ने तर्क गरे । समुदाय सचेत भए योजना, अनुदानमा दोहोरोपना नआउने समेत बिश्वास ब्यक्त गरे । कपिलवस्तुको पहिलो समस्या सिंचाई र दोश्रो समस्या छाडा चौपाया देखिएको छ । समुदायमा पोखरीको व्यवस्थापन गर्न सक्ने हो भने पनि साना किसानहरुकालागि सिंचाईमा सहज हुने बतााए । कपिलवस्तुको कृषि क्षेत्रको बिषयलाई प्राथमिकतामा राखेर पत्रकारहरुले कलम चलाउन आग्रह गरे ।

कृषि अर्थ विज्ञ शिवपुजन गुप्ताको संचालनमा सम्पन्न कार्यक्रममा जिल्ला समन्वय अधिकारी भुमिराम अधिकारी , कर्मचरीहरु , नेपाल पत्रकार महासंघका अध्यक्ष किरणमान बज्राचार्य , जिल्लाका क्रियाशिल पत्रकारहरुको सक्रिय सहभागिता रहेको थियो ।